無記台慶，黃金時段三套台慶劇都出晒街（畢打自己人，東山飄雨西關晴，珠光寶氣）
不過，我都係掛住之前套<少年四大名捕>。

其實古裝劇我一直都冇乜興趣，不過今次套野我就好有興趣，
一黎無記力捧四大小生齊晒，應該......算係大「卡士」嘅劇；
二黎「名捕」呢個字吸引住我，我當時係抱住一個睇推理劇嘅心情去睇。

點知就大鑊喇！
除左開頭嗰幾集連環殺人似推理劇外（小弟稱之為「趙皇爺山裝連續殺人事件」），
其他都唔算太似，都係似愛情（呢樣例牌）同江湖大聯盟事端為主線。
（其實無記啲字幕真係有啲怪，原著係「大連盟」，演員都讀「大連盟」，但字幕出「大聯盟」，咁我就只好估計佢係想同原著有少少分別而信字幕喇！因為平時我係睇字幕多過睇畫面，唔係中文會考作文同綜合能力會有Level 5同Level 5*呀！）

不過都冇壞，追開有條路，咪照睇囉，睇落真係幾好睇。
（可能因為20:00嗰套<搜神傳>真係好膠，相比之下20:30嘅<名捕>真係好好睇。）

套野衣家就大結局左，睇完之後我覺得四個演技相當唔錯，
不過陳鍵鋒就真係有少少浮誇，就算佢係做追命呢個角色。
其餘三個我最鐘意林峯做嗰個無情，因為超似L！
性格同做事手法都似，當然冇食手指，黑眼圈，跎背，長亂髮，狂食甜食etc......

劇本係點我就好難講，我冇睇過原著好難比較，
不過起碼我覺得幾順，但係結局真係有啲令人唏噓。

四個感情都冇著落，
最有可能嘅鐵手都因為若飛要做返幫主而不了了之，劇情冇提到之後，
講起若飛，最屈機係無啦啦對眼好返嗰度姐。
最後嗰一個鏡頭，四大名捕齊齊跳起嗰度，
型就型喇！不過我睇到有啲灰姐。

因為最後四個打數萬個兵，係人都知就算佢地幾勁，
都冇可能打但晒所有敵人，換言之佢地係死硬嘅！
而且最後無情講嗰句：「大不了來生再做兄弟。」
嘩！講呢句之前真係要有死嘅覺悟先講得出口。
所以睇到嗰到，我覺得幾灰，
明知佢地會壯烈犧牲但就無辦法幫佢地。

講開結局，講感情嗰部份真係幾婆媽，
足足講左半個鐘！
雖則話有五個人（連埋世叔&王妃之間的關係）
但係半個鐘，睇嘅人真係覺得頗......悶......
要知道結局播2個鐘架！

講完感覺，最後想講嘅係，
嗰兩個女新人（做凌小刀同鐵游冬嗰兩名女生）
一來靚啦，
二來做戲都唔錯，好過Rocky先啦！
仲有仲有，徐子珊副臘腸嘴呢，
由<甜言密語>，<家好月圓>，直到呢套<名捕>，
我都係好憎，最後一集仲要因講佢中左毒而搽白佢，
真係頂佢唔順......唔該化妝師注意下......